Toronto pasi arriti marrëveshjen për transferimin e Lorenzo Insignes në MLS, tashmë po bën gati një tjetër goditje të madhe nga Apeninet.
Është ky një sezon tejet surprizues në Serie A por edhe merkatoja pritet që të jetë me shumë surpriza gjatë kësaj vere.
Përveç Andrea Belottit i cili po kërkohet nga skuadra kanadeze, tashmë edhe një tjetër yll i Serie A ka përfunduar në radarët e skuadrës amerikano veriore.
Bëhet fjalë për Alexis Sanchez, e ardhmja e të cilit tek Interit nuk është e sigurt dhe largimi i tij këtë verë është përfolur disa herë.
Arsyeja e largimit të kilianit nga Neroazzurët është paga e lartë që aktualisht ai merr tek kampionët e Serie A dhe një gjë të tillë kanadezët janë të gatshëm që tia ofrojnë.
