Mesfushori i Chelseas, Conor Gallagher i cili këtë sezon është i huazuar tek Crystal Palace, ka tërhequr vëmendjen e shumë skuadrave europiane me paraqitjet që ka zhvilluar.
Gallagher ka një kontratë me Chelsean deri në vitin 2025 dhe këtë verë do të rikthehet tek Blutë e Londrës.
Mesfushori i talentuar anglez ka pas vete shumë skuadra që kanë shfaqur interesim për të duke përfshirë edhe dy gjigantët italianë, Juventus dhe Inter.
Në 25 ndeshje në Premier League të zhvilluara me Palace, Gallagher ka arritur që të shënojë edhe 8 gola.
Siç raporton The Sun, Inter dhe Juventus tashmë kanë dërguar agjentët e tyre në Angli dhe po përgatiten për një ofertë në drejtim të Chelseas, e cila është në vështirësi financiare shkaku i sanksioneve ndaj pronarit Roman Abramovich.
Vlera e Gallagher vlerësohet diku rreth 22 milionë euro.
