Kalvin Phillips transferohet në Serie A!
Mesfushori i Leeds United, Kalvin Phillips pritet të largohet nga Elland Road këtë verë, pas paraqitjeve të mira sezonin e kaluar.
Phillips ka tërhequr vëmendjen e gjigantëve europian me paraqitjet e tij dhe sipas raportimeve të fundit 25-vjeçari mund ta vazhdojë karrierën në Serie A.
Calcio Mercato, shkruan se Juventus synon transferimin e anglezit gjatë kësaj vere.
Biankonerët janë në kërkim të përforcimeve për vijën e mesfushës dhe Allegri ka dhënë dritën jeshile për transferimin e Phillips.
Bisedimet pritet të fillojnë së shpejti, ndërsa për kartonin e Phillips Juventus do të duhet të ofrojë më së paku 40 milionë euro.
