E ardhmja është e pasigurt për dy yjet e Serisë A, Lautaro Martinez dhe Leao.
Argjentinasi dhe portugezi janë ndër lojtarët më të mirë në kampionatin italian. Prej vitesh ata janë në shënjestrën e klubeve të mëdha të Europës, gati për të plaçkitur Serinë A me oferta marramendëse.
Siç bën me dije portali spanjoll “fichajes.net”, sulmuesi portugez, Rafael Leao dhe sulmuesi argjentinas i Inter-it, Lautaro Martinez, duket se kanë përfunduar në shënjestrën e Manchester United.
Sa i përket situatës së lojtarit të Milan-it, në orët në vijim do të ketë takime mes babait të portugezit dhe drejtuesve të kuqezinjve, të cilët do të zgjidhnin gjithashtu rinovimin e kontratës. Në gjurmët e tij janë gjithmonë PSG dhe Chelsea.
Sulmuesi argjentinas i Inter-it, Lautaro Martinez, i cili është objektivi kryesor i klubit zikaltër është ëndrra për të përforcuar sulmin e Ten Hag, i cili do të donte një sulmues që t’i përshtatej stilit të tij të lojës.
Edhe Barcelona është munduar ta marrë në sesionet e mëparshme të merkatos së verës, por në fund ai zgjodhi gjithmonë projektin zikaltër dhe Serinë A.
Tani Manchester United do të përpiqet gjithmonë të krijojë një skuadër super konkurruese për sezonin e ardhshëm. Më në fund, Kupa e Botës do të jetë një skenë vërtet e rëndësishme për Leao dhe Lautaro, të gatshëm për të mbrojtur ngjyrat e ekipeve të tyre kombëtare.
