Inter ka gati goditjen e madhe.
Klubet e mëdha të Europës nuk shqetësohen vetëm për rezultatet e fushës, por edhe për merkaton e dimrit dhe atë të verës.
Mes skuadrave më aktive është padyshim Inter-i, me drejtuesit që kanë piketuar goditjen e së ardhmes për vijën e sulmit.
Calcio Mercato, ka lëshuar një lajm bombastik duke shkruar se Inter synon transferimin e sulmuesit holandez, Cody Gakpo.
Gakpo po shkëlqen këtë sezon te PSV, duke realizuar 15 gola në 29 ndeshje dhe po vazhdon me paraqitjet e mira duke realizuar edhe në Botëror ndaj Senegalit.
Holandezi mund të luaj nga të dy krahët e sulmit, por edhe si qendërsulmues, prandaj Neroaxurët synojnë transferimin e tij verën e ardhshme.
Gakpo ka kontratë me PSV deri në vitin 2026 dhe për kartonin e tij Inter do të duhet të paguaj më së paku 50 milionë euro.
