Chris Smalling largohet nga Roma, por jo nga Serie A.
Qendërmbrojtësi anglez, Chris Smalling e ka gjetur formën e duhur që nga transferimi i tij te Roma.
Anglezi u transferua në Olimpico në verën e vitit 2019, ndërsa kontrata me Giallorosët i skadon në fund të sezonit dhe 33-vjeçari dëshiron sfida të reja.
Smalling dëshiron të luaj në Champions League dhe nuk planifikon ta rinovojë kontratën me Romën.
E përditshmja italiane Gazzetta dello Sport, shkruan se agjenti i Smalling ia ka ofruar shërbimet e anglezit Interit.
Neroaxurët janë të interesuar për shërbimet e Smalling, pasiqë De Vrij do të largohet nga skuadra në fund të sezonit dhe anglezi do të ishte zëvendësuesi ideal. Smalling ka luajtur 21 ndeshje këtë sezon dhe ka realizuar 3 gola.
