Bomba e verës, Inter dhe Manchester City shkëmbejnë yjet e tyre.
Inter dhe Manchester City mund të përballen në finalen e Champions League e cila do të zhvillohet me 10 qershor.
Neroaxurët e mposhtën Milanin me rezultat 2-0 në ndeshjen e parë dhe janë shumë pranë kualifikimit në finale.
City barazoi me Realin 1-1 në ndeshjen e parë dhe kualifikimi do të vendoset në ndeshjen e kthimit.
Përveç rezultateve në fushë, klubet po punojnë edhe për sezonin e ardhshëm dhe sipas raportimeve të fundit Inter dhe City mund të shkëmbejnë yjet e tyre në merkaton e verës.
Sipas Calcio Mercato, City synon transferimin e Alessandro Bastonit në merkaton e verës dhe Citizens kanë gati ofertën joshëse për Neroaxurët.
Citizens janë të gatshëm t’ia ofrojnë Interit kartonin e Joao Cancelos në këmbim të Bastonit.
Te Inter rinovimi i kontratës së Bastonit është prioritet, por në rast se marrëveshja nuk arrihet, Neroaxurët janë të gatshëm ta pranojnë ofertën e Cityt.
