Ryan Gravenberch transferohet në Serie A.
Mesfushori holandez, Ryan Gravenberch pritet të largohet nga Bayerni gjatë kësaj vere, pasiqë nuk bën pjesë në planet e trajnerit Thomas Tuchel.
Gravenberch u transferua te Bayerni verën e shkuar, por nuk arriti të lërë gjurmë në Allianz Arena dhe 21-vjeçari dëshiron të ndryshojë skuadër.
Sipas Calcio Mercato, Gravenberch pritet të transferohet në Serie A, pasiqë gjiganti italian synon afrimin e tij.
Calcio Mercato, shkruan se Juventus ka nisur bisedimet me Bayernin për huazimin e Gravenberch.
Biankonerët janë në kërkim të një mesfushori dhe e kanë identifikuar holandezin si përforcimin ideal.
Juventus synon huazimin e Gravenberch me opsion blerjeje dhe marrëveshje me Bayernin pritet të arrihet javën e ardhshme.
