Lajm bombastik, Raphael Varane në Serie A.
Raphael Varane pritet të largohet nga Manchester Unitedi dhe ka raporte se ai do të favorizonte një transferim në Serie A përpara Arabisë Saudite.
Varane ka kontratë me United deri në qershor 2025, por sipas raportimeve të fundit Djajtë e Kuq do ta ndërpresin bashkëpunimin me francezin verën e ardhshme, pasiqë nuk dëshirojnë ta paguajnë pagën e tij prej 15 milionë eurove në sezon.
Ai u ble nga Real Madridi në verën e vitit 2021 për 40 milionë euro, por ka mbetur zgjedhje e dytë këtë sezon nën drejtimin e trajnerit Erik ten Hag.
Sipas raportimeve të fundit, Varane karrierën do ta vazhdojë në Serie A, ndërsa për shërbimet e tij në verë do të duelojnë Milan dhe Juventus.
Veterani ka 93 ndeshje për Kombëtaren e Francës dhe ka përfaqësuar vetëm tre klube në karrierën e tij, Lens, Real Madrid dhe Manchester United.
