Milan transferon pasardhësin e Theos për 20 milionë euro.
Mbrojtësi i Milanit, Theo Hernandez është njëri nga mbrojtësit e majtë më të mirë në botë për momentin. Francezi ka realizuar 5 gola dhe 10 asitime në 38 ndeshje të luajtura këtë sezon.
Theo është objektivi kryesorë i Bayernit për merkaton e verës dhe Bavarezët pritet që së shpejti të hidhen në sulm për të siguruar shërbimet e francezit.
Për ta lënë të lirë Theon, Milan kërkon më së paku 80 milionë euro, shifër të cilëndrejtuesit e Bayernit janë të gatshëm ta paguajn.
Në rast se Theo largohet nga Milani, Rosonerët e kanë identifikuar tashmë pasardhësin, raporton Mundo Deportivo.
Bëhet fjalë për mbrojtësin e Realit, Ferland Mendy, i cili pritet të largohet nga Santiago Bernabeu në verë.
Reali e bleu francezin për 50 milionë euro, por Madrilenët janë të gatshëm ta lënë të lirë të largohet për 20 milionë euro, shifër aspak problematike për Rosonerët.
