Interi po punon për ta kompletuar repartin e sulmit për sezonin e ardhshëm, në rast se largohet Thuram, vijnë dy sulmues të tjerë.
Sipas “La Gazzetta dello Sport”, Martial është rikthyer në radarin e Interit. Francezi iu ofrua me kosto zero, duke qenë se kontrata e tij me Manchester United është drejt skadencës.
Lojtari pëlqehet prej kohësh nga zikaltrit, por vjen nga sezone jo shumë të mira. Drejtuesit e Inter-it po e analizojnë situatën, duke vlerësuar hipotezën, me lojtarin që ka edhe një ofertë nga Fenerbahce dhe disa mundësi të tjera të rëndësishme në Francë.
Siç u përmend, futbollisti është ndjekur dhe vlerësuar prej vitesh, ai është ende në kulmin e karrierës në moshën 28-vjeçare. Emri i tij, në letër, është një alternativë ndaj Gudmundsson, i cili është në shënjestër të klubeve të Premier League.
Por ka një rast në të cilin të dy lojtarët mund të vishen zikaltër. Dhe është një hipotezë që sheh një shitje të Marcus Thuram. Francezi është gati të përfundojë një sezon të parë shumë pozitiv me zikaltrit, pasi deri më tani ka shënuar 12 gola dhe 10 asiste në të gjitha garat.
Një pjesë e parë e një niveli shumë të lartë, pastaj një rënie që në një farë mënyre është fiziologjike, por cilësitë e shfaqura janë të rëndësishme. I marrë me kosto zero, lamtumira e tij do t’i sillte Interit një fitim të madh kapital, që me një goditje do të zgjidhte çdo problem për këtë merkato.
Do të duhej një ofertë prej 60-70 milionë euro, por për shembull në Premier League (ose PSG) nuk kanë probleme ekonomike. Pra, Interi mund të ristrukturojë ekipin edhe në role të tjera, ndoshta duke marrë Gudmundsson dhe Martial së bashku me Lautaro dhe Taremi-n.
