Martin Odegaard drejt Serie A!
Mesfushori i Realit, Martin Odegaard është rikthyer në Madrid pas huazimit te Arsenali.
22-vjeçari do ta ketë të vështirë të luaj si titullar në sezonin e ri dhe Perez është i gatshëm ta huazojë përsëri norvegjezin.
Odegaard ka luajtur 29 ndeshje sezonin e fundit te Arsenali duke realizuar 2 gola dhe 2 asisitme.
E përditshmja spanjolle, Marca raporton se Milan synon huazimin e Odegaard. Rosonerët e shohin norvegjezin si zëvendësuesin ideal të Calhanoglut.
Milan ka marrëdhënie të shkëlqyeshme me Realin dhe Rosonerët do të tentojnë huazimin e Odegaard me opsion blerjeje dhe në klauzolë të përfshihet e drejta e Los Blancos për riblerjen e norvegjezit, ngjashëm me operacionin Brahim Diaz.
Bisedimet pritet të fillojnë së shpejti dhe Odegaard sipas të gjitha gjasave sezonin e ardhshëm do të luaj me fanellën e Milanit, shkruan Marca.
