Lajm i bujshëm nga Turqia, Miralem Pjanic rikthehet në Serie A!
Mesfushori i Barcelonës, i huazuar te Besiktas, Miralem Pjanic nuk ka arritur të bind as te klubi turk dhe në janar mund të rikthehet në Itali.
Besiktas nuk e ka ndërmend ta blejë kartonin e Pjanic dhe në janar boshnjaku do të rikthehet në Camp Nou.
Pjanic nuk bën pjesë as në planet e Xavit dhe nga kjo situatë kërkon të përfitojë Juventusi.
Portali i njohur turk Fanatik, shkruan se Juventus synon rikthimin e Miralem Pjanic dhe se këtë e ka kërkuar Massimiliano Allegri.
Biankonerët do të tentojnë huazimin e Pjanic në merkaton e janarit dhe bisedimet me Barcelonën pritet të fillojnë së shpejti.
Pjanic ishte pjesë e Juventusit prej vitit 2016 deri në vitin 2020 dhe për Zonjën e Vjetër ka shënuar 22 gola.
