Diego Costa pranë transferimit në Serie A.
Sulmuesi brazilian, Diego Costa është pranë rikthimit në kontinentin Europian pas fitimit të titullit me Atleticon në Brazil.
Edhe pse 33-vjeç, Costa është ende në formë dhe sipas raportimeve është pranë transferimit te gjiganti italian.
Në janar u raportua se Costa ka arritur marrëveshje me Salernitanan, por në fund marrëveshja nuk u materializua.
Calcio Mercato, ka lëshuar sot një lajm bombastik duke shkruar se Diego Costa është pranë transferimit te Atalanta.
Duvan Zapata do t’i nënshtrohet një operacioni dhe Atalanta e ka piketuar Costan si zëvendësuesin ideal.
Costa është futbollist i lirë pas largimit nga Atletico Mineiro, ndërsa Atalanta pritet ta bëjë ofertën ditët në vijim.
