7 herë kampioni i Europës Milani ka një shumë të konsiderueshme parash për ti shpenzuar gjatë merkatos verore.
Një problem i veçantë për skuadrën e Piolit padyshim që është edhe gjetja e një pasuesi të denjë për Zlatan Ibrahimovic i cili pas këtij sezoni mund të largohet nga San Siro shkaku i moshës.
Por Rossonerët tashmë kanë gati zgjidhjen e një problemi të tillë.
Bëhet fjalë për Andrea Belottin, ku edhe vetë futbollisti është pro një transferimi nga Torino tek Milan.
Belotti në Serie A ka shënuar hiç më pak se 101 gola dhe kontrata e tij aktuale me ‘Demat’ i skadon në fund të këtij sezoni.
Qendërsulmuesi 28 vjeçar ka një përvojë të madhe në Itali ku përveç Torinos ai ka qenë pjesë edhe e Parmas.
