Lajm bombastik nga Italia, Luciano Spalletti sezonin e ardhshëm tek një tjetër gjigant italian.
Napoli është surpriza më e madhe këtë sezon. Napoletanët janë në vendin e parë në Serie A me 41 pikë të arkëtuara në 15 ndeshje të luajtura.
Skuadra e Spallettit nuk ka pësuar asnjë humbje në kampionat, ndërsa në Champions League janë mposhtur vetëm nga Liverpooli.
Strategu 63-vjeçar konsiderohet si më meritori për suksesin e Napolit këtë sezon, ndërsa kontrata me Napoletanët i skadon në qershor të vitit 2023.
E përditshmja italiane La Reppublica, ka lëshuar një lajm bombastik duke shkruar se Juventus synon verën e ardhshme transferimin e Spallettit.
Agnelli nuk është i bindur me rezultatet e Allegrit dhe në ka vendosur që stolin t’ia besojë Spallettit.
Përveç Spallettit, Juventus synon t’ia rrëmbejë Napolit edhe drejtorin sportiv, Cristiano Giuntoli, i cili bëri një merkato të shkëlqyeshme duke zbuluar lojtarë si Kvaratskhelia, Anguisa dhe Min.
