Lajm bombastik nga Italia, Antonio Conte rikthehet në Serie A.
Antonio Conte është trajneri më i përfolur në mediat sportive ditët e fundit, pasiqë është shumë pranë shkarkimit nga Tottenham.
Conte është i lidhur me një rikthim në Serie A dhe mediat italiane kanë lëshuar një lajm bombastik duke shkruar se Milan po mendon për t’ia besuar drejtimin e skuadrës 53-vjeçarit.
Paraqitjet zhgënjyese deri tani në kampionat mund të bëjë që klubi milanez ta lirojë Piolin nga detyrat e tij dhe të hapë një cikël të ri.
Calcio Mercato, ka lëshuar një lajm bombastik duke shkruar se në rast se Conte merr drejtimin e Milanit, transferimi i tij i parë do të jetë nga rivalët e përjetshëm të Rosonerëve.
Sipas Calcio Mercato, Conte do t’ia kërkojë drejtuesve të Milanit transferimin e Marcelo Brozovic, i cili në verë pritet të largohet nga Interi.
Conte e ka drejtuar mesfushorin kroat për dy sezone te Interi duke u shpallur edhe kampion në Serie A.
