Inter mbrëmë e mposhti Juventusin me rezultat 2-0 në derbin e Italisë dhe u shkëputën shtatë pikë nga Biankonerët.
Gjiganti i Milanos njihet si Inter, ndërsa emri i plotë i klubit është Internazionale Milan.
Nga muaji Mars klubi do ta mbartë emrin Inter Milan. Përveç emrit Inter do ta ndryshojë stemën e klubit, ku simbolet kryesore do të jenë shkronjat I dhe M.
Inter gjithashtu do ta ndryshojë edhe sponzorin gjeneral dhe nga sezoni i ardhshëm nuk do të jetë Pirelli, por Evergrande.
Inter është themeluar si klub me 9 mars të vitit 1908 dhe Neroaxurët do ta bëjnë këtë ndryshim të madh pikërisht në ditëlindjen e 113-të.
Një ndryshim të tillë e bëri edhe Juventusi në vitin 2017 duke e ndryshuar stemën dhe kjo lëvizje rezultoi me përfitime më të mëdha për Biankonerët.
