Inter dhe Mino Raiola kanë gati super bashkëpunimin.
Sipas raportimeve të fundit nga mediat italiane, Inter synon transferimin e yllit të Ajax, Brian Brobbey në merkaton e verës.
Brobbey konsiderohet si një talent i madh në Holandë, ndërsa këtë sezon ka shënuar 11 gola në 20 ndeshje të luajtura.
Kontrata e 19-vjeçarit skadon në fund të sezonit dhe agjenti i tij Mino Raiola është në kërkim të një klubi për të ardhmen e Brobbey.
Interesim për Brobbey kanë shfaqur Milan dhe Juventus, mirëpo Inter ka nisur bisedimet me Raiolan dhe Neroaxurët synojnë ta kompletojnë marrëveshjen sa më shpejtë.
