Elliott hap thesin, Milan ka gati goditjen e parë për merkaton e verës.
Paolo Maldini dhe Ricky Massara kanë filluar të punojnë për skuadrën e sezonit të ardhshëm.
Rosonerët do ti përmbahen politikës së tyre me transferime jo shumë të shtrenjta dhe Maldini e ka piketuar një super transferim.
Siç raporton portali spanjoll Todo Fichajes, Milan synon transferimin e Hector Bellerin nga Arsenali.
Mbrojtësi spanjoll pritet të largohet nga Emirates në fund të sezonit edhe pse kontrata e tij me Topçinjtë skadon në vitin 2023.
Rosonerët e shohin 26-vjeçarin si përforcim ideal për krahun e djathtë të mbrojtjes dhe për transferim e tij do të ofrojnë 20 milionë euro.
Bisedimet do të fillojnë së shpejti dhe Arsenali pritet ta pranojë ofertën e Milanit, shkruan Todo Fichajes.
