Barcelona po kalon një sezon mjaftë të vështirë, Katalansit janë në krizë rezultatesh dhe renditen në pozitën e 5-të në La Liga.
Zgjedhjet për president të klubit do të zhvillohen së shpejti dhe Joan Laporta është favoriti kryesorë për ta marrë drejtimin e Barcelonës.
Portali i njohur spanjoll Don Balon, raporton se transferimi i parë i Laportas si president i Barcelonës do të jetë një qendërsulmues.
Barcelonës po i mungon një qendërsulmues klasik dhe Laporta do të transferojë Alexandre Lacazette nga Arsenali.
Lacazette nuk po kalon momente të mira te Arsenali dhe 29-vjeçari nuk bën pjesë në planet e Artetas.
Kontrata e tij skadon në vitin 2022 dhe në verë pritet të largohet nga Emirates. Laporta beson se do të sigurojë shërbimet e Lacazette për 35 milionë euro.
