Lajm bombastik nga Italia, fondi me asete prej 347 miliardë dollarëve blen gjigantin italian!
E përditshmja italiane Corriere dello Sport, ka lëshuar sot një lajm bombastik, duke raportuar se fondi PIF nga Arabia Saudite është favorit për ta blerë Interin.
Public Investment Fund nga Arabia Saudite ka nën pronësi asete me vlerë prej 347 miliardë dollarë, ndërsa kryetar është princi Mohammed Bin Salman.
Corriere dello Sport, shkruan se oferta e PIF përmbush kërkesat e Suning dhe palët janë shumë pranë arritjes së marrëveshjes.
Në rast se Fondi Publik i Arabisë Saudite blen Interin, atëherë do të kemi një revolucion të vërtetë në Serie A, pasiqë priten investime të mëdha në klub.
