Skuadra e Juventusit akoma nuk e ka thënë fjalën e saj në merkaton e kësaj vere.
Biankonerët kanë rikthyer vëmendjen e saj kah Manchester City dhe po bëhen gati për një transferim spektakolar.
Me një Cristiano Ronaldo që nuk ka vendosur për të ardhmen, Zonja e Vjetër nuk mund të qëndrojë neutrale në këtë situatë.
Bëhet fjalë për Gabriel Jesus i cili mund të përfundojë në Torino këtë verë edhe për faktin që nuk është më në planet e Pep Guardiolas.
Juventus po bën gati kartonin e Aaron Ramsey që kap vlerën e 20 milionë eurosh plus edhe një shumë prej 30 milionë eurosh për të bindur Citizens që të lënë të lirë brazilianin.
Një shumë prej 50 milionë eurosh mund të bindë Cityn e cila nga ana tjetër do preferonte më shumë Rabiot sesa Ramsey.