Milan i hakmerret Interit për Calhanoglun.
Milan dhe Inter janë rivalë të drejtpërdrejtë këtë sezon për Scudetton. Rosonerët renditen në pozitën e dytë me katër pikë më pak se Interi.
Verën e kaluar Hakan Calhanoglu bëri bujë me transferimin e tij nga Milani te Interi dhe Rosonerët nuk e kanë kapërdirë mirë këtë.
Siç shkruan Calcio Mercato, Milan ka gati hakmarrjen dhe Rosonerët synojnë transferimin e Roberto Gagliardinit.
Gagliardini pëlqehet shumë nga Stefano Pioli dhe ia ka kërkuar drejtuesve transferimin e 27-vjeçarit.
Pioli e sheh Gagliardinin si zëvendësuesin ideal të Kessie i cili sipas të gjitha gjasave nuk do ta rinovojë kontratën.
Gagliardini ka kontratë deri në vitin 2023 dhe Milan do të ofrojë 7-8 milionë euro për kartonin e 27-vjeçarit.
