Milan ka gati operacionin e madh!
Milani po kalon një sezon pozitiv dhe deri më tani ka arritur rezultate të rëndësishme, por dëshiron gjithnjë e më shumë t’i rikthehet synimit për tituj.
Kuqezinjtë zënë pozitën e dytë në renditje dhe ëndërrojnë Scudetton, ndërsa klubi përgatit lëvizjet që do të kryhen në merkato edhe verën e ardhshme.
Rosonerët po mendojnë për merkaton e verës dhe kanë gati transferimin spektakolar nga Lille.
Bëhet fjalë për treshen e Lille: Jonathan David, Renato Sanches dhe Sven Botman.
Jonathan David ka realizuar 16 gola këtë sezon dhe Rosonerët e shohin kanadezin si zëvendësuesin ideal të Ibrahimovic.
Sa i përket Sanches, Rosonerët e dëshirojnë me çdo kusht portugezin dhe ai shihet si zëvendësuesi ideal i Kessies.
Botman ishte pranë transferimit në San Siro gjatë këtij afati kalimtar, por në verë holandezi sipas të gjitha gjasave do ta vesh fanellën e Milanit.
Për të siguruar shërbimet e tyre Milan është i gatshëm të ofrojë 75 milionë euro.
