Sezonin që lamë pas ishte njëri prej futbollistëve më në formë tek skuadra e Hellas Verona dhe këtë verë Giovanni Simeone padyshim që do jetë njëri prej emrave më të kërkuar në Apenine.
I biri i Diego Simeones ende nuk ka marrë një vendim përfundimtar për karierën e tij pasi interesim ka edhe jashtë Italisë, me Arsenal që është gati për transferimin e tij.
Mirëpo Simeone pritet të jetë goditja e rradhës për skuadrën e Juventusit e cila po mendon ti ofrojë edhe një bashkëlojtar Dusan Vlahovicit në sulm.
Sipas Gazzetta dello Sport, Simeone është opsioni më i mirë për Zonjën e Vjetër pasi edhe mund të luajë bashkë me Vlahovic por edhe çmimi i tij nuk është shumë i lartë, rreth 15 milionë euro.