Shkëmbim spektakolar, Lautaro Martinez largohet nga Interi.
Sulmuesi argjentinas, Lautaro Martinez është lojtari më i kërkuar i Interit për disa vite me rradhë.
Lautaro ka realizuar 8 gola dhe 6 asistime në 21 ndeshje të luajtura këtë sezon me Interin, ndërsa në Botëror me Argjentinën zhgënjeu me paraqitjet e tij.
Drejtuesit e Interit janë duke konsideruar shitjen e Lautaros verën e ardhshme, në rast se sigurojnë shërbimet e Marcus Thuram.
Nga kjo situatë kërkon të përfitojë Atletico Madrid, madje Colchoneros kanë gati ofertën joshëse për Interin.
Calcio Mercato, shkruan se Atletico është e gatshme tia ofrojë Interit kartonin e Jose Maria Gimenez dhe 40-45 milionë euro në këmbim të Lautaros.
Gimenez është në shënjestrën e Interit muajt e fundit. Neroaxurët e kanë piketuar uruguaianin si pasardhësin ideal të Stefan De Vrij.
Neroaxurët janë të hapur për këtë shkëmbim dhe gjithçka do të varet nga transferimi i Marcus Thuram në Meazza.