Neroaxurët ia rrëmbejnë yllin rivalëve të përjetshëm.
Klubet e mëdha të Europës nuk shqetësohen vetëm për rezultatet e fushës, por edhe për merkaton e verës.
Mes skuadrave më aktive është padyshim Inter-i, me drejtuesit që kanë piketuar goditjen e parë për verën e ardhshme.
Calcio Mercato, ka lëshuar një lajm të bujshëm duke shkruar se mbrojtësi i Juventusit, Mattia De Sciglio, ka vendosur që të largohet nga Zonja e Vjetër në verë dhe t’i bashkohet Interit.
De Sciglio ka luajtur 789 minuta këtë sezon me Biankonerët dhe nuk bën pjesë në planet e Allegrit.
Mbrojtësi 30-vjeçar do ta zërë te Interi, vendin e Robin Gosens, i cili pritet të largohet në verë nga Meazza.
