Neroaxurët ia rrëmbejnë yllin rivalëve të përjetshëm.
Klubet e mëdha të Europës nuk shqetësohen vetëm për rezultatet e fushës, por edhe për merkaton e verës.
Mes skuadrave më aktive është padyshim Inter-i, me drejtuesit që kanë piketuar goditjen e parë për verën e ardhshme.
Calcio Mercato, ka lëshuar një lajm të bujshëm duke shkruar se Inter synon transferimin e Angel Di Maria-s.
Di Maria u transferua te Juventusi verën e shkuar me parametra zero, por nuk ka bindur drejtuesit e Zonjës së Vjetër me paraqitjet e tij.
Argjentinasi nuk do ta rinovojë kontratën me Biankonerët dhe nga kjo mundësi kërkon të përfitojë Interi.
Neroaxurët e kanë piketuar Di Maria-n si zëvendësuesin ideal të Joaquin Correas, i cili pritet të largohet nga Meazza pas përfundimit të sezonit.
