Milan ka gjetur zëvendësuesin e Leaos në Angli.
Pas konfirmimit se Mbappe do të largohet nga PSG, Rafael Leao ka përfunduar në orbitën e Parisienëve, të cilët e kanë vendosur sulmuesin si objektivin e tyre kryesor për merkaton e verës.
Ky i fundit ka një klauzolë (e vlefshme deri më 15 korrik) largimi prej 175 milionë eurosh, por klubi mund ta ulë çmimin deri në 140-150.
Sigurisht, portugezi ka një ndikim madhor te “Djalli” dhe do të zëvendësohet në mënyrën e duhur.
Një nga emrat që ka përfunduar së fundmi në orbitën e Rosonerëve është sulmuesi i Brighton, Kaoru Mitoma.
Mitoma ka realizuar 3 gola dhe 6 asistime në 26 ndeshje të luajtura këtë sezon, ndërsa për kartonin e tij Milan do të duhet të paguaj 50 milionë euro.
