Asgjë nga rinovimi, Leao bën gati valixhet, Maldini ka gjetur zëvendësuesin në Angli.
Rafael Leao është njëri nga lojtarët më të përfolur pas paraqitjeve të shkëlqyeshme me Milanin.
Leao e fitoi titullin në Serie A duke u shpallur futbollisti i sezonit, ndërsa këtë sezon ka realizuar 3 gola dhe 6 asistime në 8 ndeshje të luajtura.
Chelsea tentoi transferimin e Leaos verën e kaluar duke ofruar 120 milionë euro, por Rosonerët nuk lejuan largimin e tij.
Por situata ka ndryshuar, pasiqë Milan nuk po arrin dot marrëveshje me Leaon për rinovimin e kontratës.
Leao ka kërkuar që Milan tia paguaj Sportingut 20 milionë euro dëmshpërblim, kur portugezi e kishte prishur kontratën për tiu bashkuar Lille.
Rosonerët nuk dëshirojnë ta paguajnë dënimin dhe janë të detyruar që ta shesin Leaon në fund të sezonit.
Calcio Mercato, shkruan se Maldini e ka gjetur pasardhësin e Leaos në Premier League dhe bëhet fjalë për Wilfried Zaha.
Ivorianit i skadon kontrata me Crystal Palace në fund të sezonit dhe Rosonerët synojnë afrimin e tij me parametra zero. Zaha ka luajtur në 5 ndeshje këtë sezon dhe ka realizuar 4 gola.
