Gianluigi Buffon gjatë ditës së djeshme ka konfirmuar largimin nga Juventusi në fund të sezonit.
43-vjeçari nuk e ka bërë të ditur ende se a do të pensionohet apo do ta vazhdojë karrierën edhe për një sezon.
Buffon e ka filluar karrierën e tij te Parma, ndërsa kulmin e ka arritur te Juventusi ku ka fituar dhjetë herë Scudetton.
Mediat spanjolle kanë lëshuar sot një lajm bombastik, duke raportuar se Buffon mund të transferohet te Barcelona.
Blaugranët thuhet se kanë kontaktuar italianin dhe ia kanë ofruar pozitën si portier i dytë.
Barcelona do ta shesë Neton në verë për të përmirsuar bilancin financiar dhe Buffon shihet si një zgjidhje ideale për zëvendësuesin e Ter Stegen.
